Sibbe Rejele
för et öntliche Rievkooche-Müffele
Öm uns Rievkooche jenößlich zo verkimmele,
sin en Häd Rejele nüdich.
Schleeßlich well mer sich beim Deschnohber nit blameere.
1. Rejel
Wann üch de Rievkooche vör de Nas jestz wäden, doot jefällichs laut "aaahhh"ov "oohhhh" rofe.
Jetz weiß der Deschnohber, dat ehr och do sid.
2.Rejel
Subal die staatse Kunswerke vör üch ston, raaft zoech noh der Servijett, die räächs vum Teller
litt. Donoh künnt ehr dann et Schanzzeuch- Metz un Jaffel - nemme.De Servijett, knüsele sich de
Fraulück en et Dekolltee, bes koot vör`mHätzeküülsche. De Kääls stoppen se sich en der
Hembskrage.Et jehööt sich, dat mer do sich jäjesiggich bei hil, weil dat för de"Kommunikation" jot
es. Kann bei der Hölp ne Kääl de Fingere nit bei sichhalde, dann sollen de Wiever dem Filu en Fimm
verpasse.
3. Rejel
Ehr stot jetz vör dem Rötsel, wat mer eijentlich met Metz un Jaffel aanfangesollt. Dat üvverlooße
mer üch. Mer kann de Rievkoche vun der Fuuß esse. Merkann se sich ävver och müngchesmoß
zoräächschnigge.Wann einem partu nix enfällt, dem helfe mer jän wigger.För en Extradrinkjeld
deit üch de Bedeenung - su, wie et fröhter de Mamm jdonhät - janz jenöchlich födere.
4. Rejel
Sidder su jot un schnappt üch de Rievkooche vun de "Hüsjejereechte" nit we ne"Hamburger", et
künnten söns leckere Beilage en de Mul vun üremDeschnober flutsche.
5. Rejel
Dekorazijone un Jläser darf me nor en Nutsituwazione wiee Jeschoß jebruche. Su en Situwazion
wör jejevve, wann ne andere Jaß sich anürem Rievkooche verjriefen dät.
6. Rejel
Sollt et vörkumme, dat ehr noh 6 Rievkooche immer noch Schleß hat, dann jitt et der sibbente
Rievkooche janz för ömesöns.Bes kück litt der abselute Rekord bei 15 Stöck. Us
Datenschotzjründe jevven merdä Name vun dem Freßklötsch ävver nit bekannt.
7. Rejel
Janz selden kütt et vör, dat einer nit op einmol 2 udder 3 Rievkooche verdröcke kann un et fingk
sich op dem Teller e fiesJematschs un Jenüsels. Wann dat esu es, deit mer de Reß höösch unger
de Servijett versteche.
Dat wor et !
Mer wünschen üch ne jode Appetik un ne schöne Openthalt !!
Michael Henseler